Setyembre Kwatro

/ Wednesday, September 15, 2010 /

Sa dihang nihalok imong basa nga simod
sa baso nga puno ug tuba nga aplod
dili tuod ikalimod
nga dugay na ikaw giuhaw,
naghinam-hinam sa kagahapon
nga samakausa imong gikaulaw.

Tingsi.
Katawa.
Buhakhak.
Agik-ik.

Sa dihang nibulhot ka ug aso
gikan sa nagkaupos nimo nga Marlboro,
mikalit ka ug yawyaw
sa imong mga damgo
nga wala pa gihapon natuman
ug hapit na nimo gitunglo.

Hilak.
Bakho.
Hibi.

Ug sa dihang mikalit
ka ug siyagit
nga ganahan na ka manamilit.
Kagahapon nga angayang hikalimtan sa hingpit
apan imong gibalikan
pinaagi sa kutsilyo nga hait.

2 comments:

{ kendi } on: October 20, 2010 at 8:20 PM said...

i love this, kai. :)
i am still on the process of resuscitating my old blog, though. oh how i miss writing.

{ Kai } on: October 22, 2010 at 9:39 PM said...

kends, karon pa ko kabantay ani nga comment. salamat, salamat, salamat. :D

unta mo-share ka sa imo new blog link after ma-resuscitate nimo. ;D

Post a Comment

I usually say, in the end, okay, it’s love and it’s work — what else could there possibly be? -- Maira Kalman

Followers

Copyright 2010 - 2016. Powered by Blogger.
 
Copyright © 2010 Neverwhere Is Here, All rights reserved
Design by DZignine. Powered by Blogger