Istorya Natong Duha

/ Thursday, December 2, 2010 /

dali sa akong tupad
mangaon ta
ug butter coconut
nga biskwit
nga lami ituslob sa
duha ka pakete
nga nescafe three-in-one
nga inutang sa
gubaong tindahan
ni Inday Norma
nga bag-o lang gibuwagan
sa iyang trato nga basurero.

hala ka diha!
ang mga linabhan
intawn pagdali.
kay ang ulan
nagbugal-bugal
mobundak kadiyot
pagka walay lami!

ako,
mura ug linabhan
ikaw,
mura ug ulan
nga walay lami
nga mobundak kadiyot
ug nagbugal-bugal
ning dughan
nga na-ughan.

pagkapait
sa nescafe three-in-one
palihug, ayaw sa ug taliwan.
pagkatam-is
sa butter coconut nga biskwit
palihug, unya na panamilit.
basin tuod ug nagtuo ka
nga pareha ko ni Inday Norma
nga pwede ra nimo
ihansak sa trak
nga nangolekta ug basura.

2 comments:

{ punkassimus } on: January 15, 2011 at 6:35 AM said...

paytera ani pagkasulata indai. sulat pa ug ingn ani!

{ Kai } on: January 17, 2011 at 1:47 AM said...

Dong Mackie! Pit Senyor diha! Ug ikaw pud, sulat sad ug ingon ani. Salamat sa pag-agi. :)

Post a Comment

I usually say, in the end, okay, it’s love and it’s work — what else could there possibly be? -- Maira Kalman

Followers

Copyright 2010 - 2016. Powered by Blogger.
 
Copyright © 2010 Neverwhere Is Here, All rights reserved
Design by DZignine. Powered by Blogger